Nubert Lautsprecher, HiFi- und Surround-Elektronik

Griasdi Gott, moine liabe Forumsmidgliada!


Jedz müssed ihr oich des amol dahanne vorschdelle: da ben i grad so a weng im ihndohnedd ondoweags und ondohald mi a weng mid a bar leid. Und da simmo so ganz schbondaan uff di Idee 'komme, das es ja mal so richdigg schee wär, wenn mo so an richdig schwäbischo srädd uffmache kennded.
Desholb fang i jedzd amol a.
Also i komm jezd au ned wirglich "von dr Alb ra", abo i main des isch ja au ganz nedd wenn ma als schwob grad nedd in do heimat schdeggd so wia i im momend. A bissle schdudiahre muss halt au soi.

Also:
es wär schee, wenn mo hier a bissle ibo'd schwäbische oigehoidde disgudiare kennded. I hoff mal uff a rege bedeiligung und da ben i mal gschbannd was oich dazu so oifällt.
Ach ja: es isch oifach a subbr sach, wenn alle pohschds ausschliaßlich in schwäbisch nagschriabe werded.

So, dann lassed a mal heere was o zum soge hennd.


Servus
Kai

Bursche, des isch a subbr Sach. Isch a mol a scheenr Schbämmsrädd. I hoff au auf a groaßa Bedailigung von dene Schwoba dohanna im Forum. Bloß koi Schei, schwätzat ruhig met.

Etzat Babscht, ibr was schwätz mr? I schlag halt a mole a Disgussion ibr a baar zinftge, schwäbsche Schbaisa vor, ha? Des isch halt ois von de beschd Sacha em Schobalendle. I will ja koi Selbschdbeweihraichrung ofanga, abr des muss sai. Ond des schwäbsche Bier isch au glasse. I hätt etzat au gära a Heffe, ha? Was mogschn fr oins gära? Bisch au so an narradr Heffe-Trengr?

@Pabst: guada idee! Molso richtig schwäbisch schwätza.

Aber es isch doch komisch, weil halt die Schwoba doch onderschiedliche Dialeggd hend. Aus welchem Egg vom Lendle schdammsch denn?
Da i ja bei der Nuberd Schbihger Fabrigg wohn, komm ich au ned von dr Alb ra, sondern wohn am Fuaß von dr Alb!
Des isch aber au a scheens Blätzle.

@raw: sauf ned so viel, gugg nach dr Raumakuschdigg!!!!


Was ma au im Lendle ohbedingd probiera solld, wenn ma mohl zum Essa god: Lensa ond Schbätzla, Mauldascha ( in dr Briah oder gschmäzld ) onds schwäbische Bier isch nadierlich au was Guads!

Griaß an älle Schwoba, egal wo se send!
Tom, der "Sauschwob"

Ich glaub ich schbinn, jeds machn die Sauschwabn scho an eichenen Fräd auf.
Da müssn die Frangn (zu deutsch: Franken) fei dageche hald, damid da Feind im Forum ned irchndwann noch Überhand nimmd.

Mir leisdn Widerschdand!
[x] fürn eichenes Frangn Subforum.

Be Es: Die Schwabn sin mir immer noch lieber als irgendwelche Bayern von hinnerm Weißwurschdägwador.

Servus Philipp!

Philipp hat geschrieben:Die Schwabn sin mir immer noch lieber als irgendwelche Bayern von hinnerm Weißwurschdägwador.

A ja. Abo a schees Hendl isch au ned zom Voachde.

Philipp hat geschrieben:Mir leisdn Widerschdand!

Da des wolle mo doch amol seen. Bass bloß auf du!

raw hat geschrieben:Isch a mol a scheenr Schbämmsrädd.

Na schaue ma mol, wia sich des ganze hier so endwiggeld. I benn zwar nedd so do groaße Bierdrengo, abo gege a schees Feioabendbiarle hab i au nix.

TomTom hat geschrieben:Aus welchem Egg vom Lendle schdammsch denn?

Na i komm us dr Schdadd mit'm häggschdä Kirchdiarmle do Weld. Und des isch a wirglich schees Blädzle; da fahr i jezd wiedo na zom Schwörmondagg. So, des isch jezd au a weng a nois Thema. So ein baar schwäbische Bräuch.

Also i schdell euch jetz amol do Ulmo' Schwörmondagg vor:
Des isch so ebbes wie do Ulmo' Nadzionalfeiodag, da hend au nachmiddags alle Schuale und G'schäft g'schlosse. So schwätzd do Obobiagomeischdo jedes Jahr zu seim Velgle. Des geht uff die Gründungsurkund von do Schdadd zrigg. Und in diasa Urkund aus'm Jahr - a was woiß i - 854 ??, abo ohne Garandie, muss do Obobiagomeischdo schwere, seinem Volk a g'meiner Mann zum sei. Am Nachmiddag gibds dann immo a bundo Umzug auf do Donau. Schbrich: des isch a Faschingsumzug auf'm Fluss, des sognannde Nabada, was sovial bedeided wia "die Donau hinundo baden". Naddirlich isch do ganze Dag a riese Feschd in do Schdadd mit Konzerdde und an haufe Parties.


Grüsse
Kai

Ha jo, i komm au ausm Schwobeländle. I wohn in Weinschdad, des isch da, wo der gute wei herkommd. D Baure händ grad aber au ned viel zom lache bei der hitz. Vor allem am Donnerschdig hab i no schbord gkät, des war je nemme auszuhalde!

Philipp hat geschrieben: Be Es: Die Schwabn sin mir immer noch lieber als irgendwelche Bayern von hinnerm Weißwurschdägwador.

Do hosch ja no Glick ghet! Sonschd däts a baar henderd Leffel geba!

@ pabschd: Du hosch ja no meh Glick wia dr Philipp! A baar Meder weider wärsch ja au so a Boyer! Nix gegen Boyra, die sen mer emmer no liaber wie dia Leit, die schdändig Eisbära fangad, damit se was zum Mampfa hend!

@ tycoon: Weinschdadt isch ja au blos an Katzeschbrong von der Schpihker Fabrigg. Weinschdadt im Remsdal. Ja, do gibts guadn Wei!
Do kommt doch au dr NuWei her??? I wois net, ob aus Weinschdadt, aber ausm Remsdal!

I fends jedenfalls klasse, dass ma hier au a mol auf richtig schwäbisch antworda ko!

Zu guader Letschd: Mir kennad älles außer Hochdeitsch!

Griaßle Tom

Des is zwoa ollas a bissl auschdrengend zum Lesn, owa ollawäu no leichta zum vaschteh ois wia preissisch!

Hey, Leidla!

Des isch zwar a subber luschtige Idee, aber des ka koi Sau et läsa! Außerdäm machat die Leit hier scho gnuag Schreibfähler, do isch der schwäbische Dialegt net grad a guats Vorbild!

*brrr*
Dialekt schreiben ist genauso anstrengend wie lesen!

Gruß,
Mike

BlueDanube hat geschrieben:Des is zwoa ollas a bissl auschdrengend zum Lesn, owa ollawäu no leichta zum vaschteh ois wia preissisch!

Griaß Di, eschderreichischer Freind!

I muss saga, dass i scho efters in Eschderreich war. Do hab i scho oft Urlaub gmachd. Und des war emmer schee!
Die Leit do send echt subbr nedd ond es isch a wahrlich schees Land!

I wois ned, was manche Leit gega Eschderreich hend, des isch a absolut subbr Land om Urlaub zu macha.
Als Schwob kann ma do sich mit schwäbisch verständlich macha ond ma kriagt, was ma will!

Außerdem fend i, dass es schee isch in de Berg romzumlatscha ond die eschderreichische Kich hot au was zum biata!
Wenn ma mol zig Schdunda rumglaufa isch, dann isch so a deftiga Mahlzeit, wie verschiedena Wurschd, Käs ond Beilaga scho was sehr erbauliches!

An guada Käs, Schpegg ond Wurschd ond dazu no an "Selbschtgebrannda" - des hot halt was!

I ben gern in Eschderreich! Des isch faschd wie dahoim. S Essa schmeggt, di Leit send freindlich - besser wia in Mallorca!

Hoff, I kann bald wieder dort no reisa!

Gruß Tom