Do uldimaddifä Schwäbisch-srädd!!!

[BlueDanube]

I ben gern in Eschderreich!

Zum Schifoan gibts nix bessas!
Kummst amoi noch Wien? Mia haum a a guads Essn und a bissl Kuitua kaun a ned schodn...

[raw]

Hey Thomas, hosch du so gega Ofang von de Sommrferia Zeit? Wenn ja, no wär des recht gschickt, wennd do mol zu mir komma kenndsch. Dr Babscht ond dr Dschokr dädat vielleicht au komma. Wär a subbr Sach.

An deftga Gruaß
Denis

[Der Pabst]

owa ollawäu no leichta zum vaschteh ois wia preissisch!

Ja mei, was willsch du denn allewoil hier? Na, war ned so g'meint --- i ben nur a bissle ibr'rascht, dass du au schwäbisch schwätze kahsch. Hann i da ebbes vo'basst oder woher kommt des? Aber's eschdr'reichische du i au no vo'schdande (mir hend ja damols au do ORF 1 noi'kriagd). Des fend i au a scheene schbroch und ned send dia Leid obedrei au no!

Des isch zwar a subber luschtige Idee, aber des ka koi Sau et läsa!

Ja i woiß, da simmo mal unto uns. S'dud mir ja richdig loid, dass des net elle Forums-Juso mitverfolge kennet. Von mir aus kenned se scho was poh'schde --- au in preissisch!


@TomTom: ja da hupfsch doch wia vr'riggd im Viregg ommenand. Du bisch ja n echdo Sauschwob!

Dr Babscht

Ja mei isch dees a gaudi. Oha, da ben i wohl a weng ins boyrische nei'grate...
Abr wann fanget denn fanged denn im Ländle vom Dr. Öddinger d'Ferie a? Nur amol so zum Termin klarmache.


Servus
Kai

[teite]

Hallo,

%&§$/&%/((/&)$%&§$%&"§%§$%%$&%/%&/$%/ - Wasn das fürn Rauschen auf diesem Kanal...

Den Universalübersetzer geb ich zurück!

cu,
Stefan

[BlueDanube]

i ben nur a bissle ibr'rascht, dass du au schwäbisch schwätze kahsch.

I hab von schwäbisch schwätze koi Ahnung (...auch wenn ich mich bemühe... )

owa ollawäu no leichta zum vaschteh ois wia preissisch!

Schod, dass beim nuFescht olle nua hochdeitsch gredt haum - woan ä fost olle (80%?) ausm Südn!
Bin scho ruig und los eich ala...

[TomTom]

Griaß Eich!

@blue: noi, i war no nia in Wien, abr do dät i gern mol hin fahra! Des schdell i mir schee vor! I wois ned, aber i komm mit de Eschderreicher subbr klar! Die send oifach nett!
Wenn i mol noch Wien komma solld, dann meld i mi bei Dir, des wird wahrscheinlich luschdigg!

@pabschd: Des mit dem "Sauschwob" kommd eigentlich vom raw. Mi hot eingentlich no koiner als "Sauschwob" bezeichned. Des fand i luschdigg!

@raw: Servus! I han koi Ahnung, wann dia Sommerferia oafanged. Aber a Treffa wär scho guad! I dät a mol mit meim Kumbl schwätza, dann kenndad mir mit dem seine Boxa vorbeikomma.
Der hot nämlich richtig Bogg, dia a mol in am gscheida Raum zum heera!
Gib mr Bschaid!

No was zom Blue:
I ben koin Schi-Fahrer. Des isch mir z'gfährlich! Do schdand i doch lieber beim Apres-Schi ond drenk a bissle was!

Zom guader Letschd: Des Schwäbisch isch doch so schee! Ond des verschdandat au wahrscheinlich meh Leit, wia wenn Leit ausm Norda auf Platt schwätzat! Des verschdod doch koi Sau!

Wia wars denn vor zwoitausend Johr. Do hend die Reemer probiert im Schwobaland eizumarschiera. Abr des hend dia ned gschaffd, weil die Schwoba Schwoba bleiba wolldad und koine Reemer!
Wenns koine Schwoba gäbe hed, dann dädet wohl älle heit in Deitschland italienisch schwätza!
Und do isch doch schwäbisch besser !

Bleibad saubr!
Gruß Tom

[raw]

Ha Thomas, sag mr mol so zwischam 15. Juli ondm 6. Auguschd. Jo, des wär subbr, wenndr komma kenndat.

Wia wars denn vor zwoitausend Johr. Do hend die Reemer probiert im Schwobaland eizumarschiera. Abr des hend dia ned gschaffd, weil die Schwoba Schwoba bleiba wolldad und koine Reemer!

Ha dui Dibbl hen miiir Kraftbaura ratzebutz weggfäägt.

[TomTom]

Ha dui Dibbl hen miiir Kraftbaura ratzebutz weggfäägt.

I schmeiß mi weg!

Denne hem mr zoigd wo dr Bardl dr Moschd holt!

Baß auf, i han mit meim Kumbl gschwätzt,bzw. i han dem a mehl gschiggd. I deng a mol, dass mr des aufd Roih kriagad. Des wär sicher nett, wenn mr in deim Raimle sitzad ond dr Raumakuschdigg lauschad!

Jedzd muss i hald no auf dem sai Andword warda. Aber des wird scho klabba!

B.s.: mir schwäbische "Kraftbaura" kennad net blos d Reemer verjaaga, mir kennad au guade Boxa baua!

Gruass Tom

[Der Pabst]

I deng a mol, dass mr des aufd Roih kriagad. Des wär sicher nett, wenn mr in deim Raimle sitzad ond dr Raumakuschdigg lauschad!

Ha, des wird'n Schbass. Des isch doch amol richdig schee, wenn mo uns baim rooh dreffe dädäd. Jetzedle breichd mo nur no n bass'ndo Dermin.


Servus
Kai


P.S.: Gell, ihr duhd schoh schee gräfdigg waidopohschde, denn es isch ab soford s erglärde Ziel, den "Was dend o grad heere?"-Srädd zum ibohole.

[TomTom]

Ha, des wird'n Schbass. Des isch doch amol richdig schee, wenn mo uns baim rooh dreffe dädäd.

Des wär nadierlich subbr geil, wenn no meh Leit komma dädat! I treff mein Kumbl ibernägschda Woch im Kino. Do welle mer mol schwätza, wann mr des Treffa macha kenndat!
Aber, I werds Eich wissa lassa!

P.S.: Gell, ihr duhd schoh schee gräfdigg waidopohschde, denn es isch ab soford s erglärde Ziel, den "Was dend o grad heere?"-Srädd zum ibohole.

Des isch ja wohl a Ehrasach! Mir Schwoba, missad ja in am schwäbischa Forum zammahalda!

Es gibt ja oinige Berliner hier, die sich vom Nuberd-Sound hend verfiehra lasse! Vieleicht schaffad mr, dass die Deifel-Obedar au no zum wahra Glauba bekehrt werdad! Des wär schee!


Griaßle Tom